پانی کا بحران: ارسا نے پنجاب اور سندھ کے پانی میں بڑی کمی کردی


اسلام آباد: ملک میں پانی کا بحران جاری ہے جس کے سبب ارسا نے پنجاب اور سندھ کو فراہم کردہ پانی میں بڑی کمی کردی۔

ایکسپریس نیوز کے مطابق ارسا ذرائع نے کہا ہے کہ معاہدے کے تحت صوبہ سندھ کے لیے پانی کا شیئر 1 لاکھ 9 ہزار کیوسک ہے مگر پانی ذخائر میں شدید کمی کے باعث ارسا نے پانی کی تقسیم میں اسی تناسب سے کٹوتی کی ہے۔ ارسا اتھارٹی نے سندھ کے پانی میں 32 فیصد کمی کرتے ہوئے 74ہزار کیوسک پانی فراہم کرنے کا فیصلہ کیا ہے۔

حکام کا کہنا ہے کہ اسکردو اور شمالی علاقہ جات میں درجہ حرارت 29 سینٹی گریڈ ہے اور امید ظاہر کی جا رہی ہے کہ آئندہ دو روز میں گلیشئرز پگھلنے سے پانی کے ذخائر میں خاطر خواہ اضافہ ہوگا جس کے بعد صوبوں کی کٹوتی پر نظر ثانی کی جائے گی، 72 گھنٹوں میں دریاؤں میں پانی کی صورتحال بہترہونے کا امکان ہے۔
اسی طرح ارسا نے پنجاب کے ایک لاکھ 18 ہزار کیوسک پانی کے شیئرز میں بھی خاطر خواہ کمی کردی اب اسے 83 ہزار کیوسک پانی فراہم کیا جا رہا ہے۔

ایکسپریس نیوز کے مطابق منگلا ڈیم میں پانی کا ذخیرہ 4 لاکھ 75 ہزار ایکڑ فٹ ہے، دریاؤں میں پانی کا مجموعی بہاؤ 1 لاکھ 72 ہزارکیوسک ہے، ڈیموں سے پانی کا اخراج 1 لاکھ 68 ہزارکیوسک ہے، دریائے سندھ میں تربیلا کے مقام پر پانی کی آمد 63 ہزاراوراخراج 60 ہزارکیوسک ہے، دریائے کابل میں نوشہرہ کے مقام پرپانی کا بہاؤ 32 ہزارکیوسک ہے، دریائے جہلم میں منگلا کے مقام پر پانی کی آمد اور اخراج 50 ہزارکیوسک ہے۔

About soban

Check Also

”زندگی میں اگر خوشی چاہیے تو تین با تیں اپنے ساتھ باندھ لو او ر غم کو ہمیشہ کے لیے نکال دو۔“

اچھی کتابیں اور سچے لوگ ہر کسی کو سمجھ نہیں آتے! دنیا میں کوئی نہ …

Leave a Reply

Your email address will not be published. Required fields are marked *