آسٹریلیا میں بھارت سے آنے والوں کو 5 برس قید اور 66 ہزار ڈالر جرمانہ ہوگا


آسٹریلیا میں پہلے ہی 15 مئی تک بھارتی پروازوں پر پابندی عائد ہے، فوٹو: فائل
پرتھ: آسٹریلیا میں حکومت نے اعلان کیا ہے کہ کورونا کے پھیلاؤ سے بری طرح متاثر بھارت سے آنے والے افراد کو ملک میں داخلے پر پانچ برس قید اور جرمانے کی سزا دی جا سکتی ہے۔

عالمی خبر رساں ادارے کے مطابق آسٹریلیا نے 15 مئی تک بھارت سے آنے والے مسافروں پر پابندی عائد کردی ہے۔ اس پابندی کا اطلاق بھارت میں مقیم آسٹریلوی شہریوں پر بھی ہوگا جب کہ خلاف ورزی پر قید اور جرمانے کی سزا کا سامنا ہوسکتا ہے۔

اس حوالے سے آسٹریلوی وزیر صحت گریگ ہنٹ نے اعلان کیا ہے کہ 14 دنوں سے بھارت میں مقیم آسٹریلوی شہریوں نے وطن واپس آنے کی کوشش کی تو 5 برس قید اور 66 ہزار ڈالر کا جرمانہ ہوسکتا ہے۔
آسٹریلوی وزیر نے تسلیم کیا کہ سزا اور جرمانہ سخت ہیں لیکن اس کی ضرورت تھی اور بہت سوچ و بچار کے بعد عائد کی گئی ہیں جس کا مقصد ملک اور قوم کو خطرناک وبا سے محفوظ رکھنا ہے۔

یہ اقدام اس وقت اُٹھایا گیا ہے جب بھارت سے براہ راست پروازوں پر پابندی کے باوجود دو آسٹریلوی کرکٹرز جمعرات کے روز بھارت سے بہ ذریعہ قطر وطن واپس آئے تھے اور کچھ مسافروں کا کورونا ٹیسٹ مثبت آیا تھا۔

About soban

Check Also

سو سال تک کمزوری آپ کے قریب نہ آئے گی! اعصابی کمزوری کا بے حد مفید گھر یلو نسخہ

آپ کے ساتھ شئیر کرنے والے ہیں یہ اعصاب اور پٹھوں کو مضبوط بنانے میں …

Leave a Reply

Your email address will not be published. Required fields are marked *